بينما كانت
فتحية جالسة امام البيت مفرشة ( حصيرة ) وبجانبها عوالة شاهي متكونه
من زوز (براريد) براد شاهي اخضر وبراد شاهي احمر .. وسكر وحشيشة وزعتر
مع نسمة ( البحري ) وظل البيت .. وصوت الغنم والمعز يداعب اذنها ويطرب على
اوتار مسامعها ... والاطفال يتكافخون تارة بالتيروات وتارة اخرة تشلبيخا مبرحاً
بجوارها .. فتجد نفسها تصرخ بصوت عالي
ياحمد ... ياحمد .. تي نوض للمفرخ يعطيهم مايرفعهم كسروا الغرس
ياعن فيتهم .. فروخ شر
-----------------
وبكل توقع تام .. فتكون على علم بأن وحده من العزايز الجيران سوف تاتي اليها
لكي (
ينزلوا فيها قرمة )
وها هيا قد اتت .. مع ابتسامة
فتحية ... مرحبتين مرحبتين سلمك جايبة ياخويتي
-----------------
( تلقيحة طبعا ماجابت شي معاها هيا )مبروكة : اه ايه !! كيف حالك ياحنه .. وكيف حال شابانيك
وصغارك ... ان شاء الله طيبين
فتحية:
سلمك نشاده ياربي .. الحمد
لله باهي كويس .. هيا قعمزي .. نورتينا نورتينا وانتي شن حالك وشن حال ضو .. حق
سمعت قال انكسر بعيد السو عليه( وانفتحت الرحالة )مبروكة : ايه ياخويتي وانتي الصادقة ادششت مع
بعضها امس قعدت نعاني فيه .. مبروكة جيبي اميه مبروكة جيبي الغدي
مبروكة تعالي غطيني .. مبروكة جيبي الشاهي .. يعطيهم سحقية المذكرة .. مافيهم
غير قلت الخير ..وهاتي وجيبي وخلاص
-----------------
فتحية:
ربي يكون في عونك .. وبعيد
السو عليه ( معجبة الاخت ) هو كيف انكسر قولتيلي ؟؟مبروكة : هذا ياحنة مروح من السعي .. واتلقاه عمود
حشاك اتقولي جبل و رقد قدامه . برك وجيي عرم مع بعضه وهو ياحنة
المدعي ترا من واخذله عقله .. مايندري على روحة .. لقي روحه هو العمود سوا سوا ..
وو سالم ولد كنتي كان مروح من السوق .. مشاء الله عليه الطفل ناشط وخدوم .. كان
عندي طفله راهو سقدتتها ولصقتهالا بكري بكري ..
فتحية :
ايه على قولت السوق . امس
حمد عندي مروح من السوق وعاد تعرفيه انتي حنان مش فاضي من خدمة لخدمة
مشي تلقى مع عيشة وسلفها مروحين .. طيح سعده سلفها .. تهز فيه وترد .
ماتقولي عليه ساحراته .. لاخدمة لا قدمة وهو طول الوقت وينها عيشة وينا هو-----------------
مبروكة : ايه والله عندك حق ياحنة ماتلوحي شي
اخويتي .. عيشة هذه ادير مكبر .. تسحر والله نعرفها .. مرة لقيتها طالعه من الشيخ
بونوري .. اشيح لمن مداير خطيط هالمرة ..وبتجيبه للطريق
طبعا تواصلاً مع اخر كلمة يستكمل به الحديث مبروكة : ولدي حسن امبرحت لوله كان يوصل في ضراري
اخته للحوش . وكان مروح في الطريق .. اشبح عمر وعبدالله ولاد سالمة .. بجنب محل
مهدي ولد امباركة .. تبي الحق اخويتي هالذر مش عاجبيني بكل .. سمعت قالوا
يدخنوا في شن يقوللها هذا .. بخضرات والا شن اسمهم
-----------------
فتحية:
اه اه اه زعما حق اخويتي ..
امتتتتتتتهه ( الشفطة المعروفة ) وانا نقول من وين
هالفلوس وهالجاه والحياش المسطرين اللي عندهم تريتهم قتلين قوتلا ..( تي غر شن دخل المخذرات في القتل ) ..مبروكة : ايه ماهو عاد جبدوهم في سريب سامي ولد
منيرة .. لم انقتل . وهزوهم من قدام الحوش في كرهبت الشرطة
فتحية:
ايه حق سمعت ولدك حسين
شري سيارة . مبارك . تكفخها بالهني ان شاء الله--------------------
مبروكة :
يعطيها دعوة منين سمعت .. مايندس شي عليها .. ايه ايه شري وحده ماينقالش بيها كريهبه صغيرة اهو
يدقدق على راسه ... شراهلا ولد سلفتي
فتحية :
به غير خلي يقد روحه مع
نداده .. ايه حق قوليلي سلفتك طلع رجلها من الشجن والا قاعد( على اساس تتتفلفس شجن قتلك )-----------------
مبروكة : شجن اه ايه به .. اه ايه قاعد ماطلعش ربي
يلطف بيهم .. لكن تعرفي تستاهل هيا وياه ان شاء الله معاد يطلعوا .. زمنتها تتمنطق
عليا قدام النساوين في عرس ضراري فلاح .. قالتلي .. حميد شرالي خناق ربع الدنيا
بهاكا السوم .. دلهج ان شاء الله وهو مبخوخ بتمرقه عليا انا
فتحية :
فكينا من سوها بالله ..
ماعنديش خلوق ليها .. حتى ضرها امسردن وامسخ تشبحيها من غير ماتندري على
روحك تلقي روحك مطلع حويجة من خبنتك ومادتيلها .. ( على اساس مساكين وتقبل عليهم الصدقة )مبروكة : لا وانتي ماشفتيش بنتها كيف تخيط في الطريق
ايمين ويسار ..اتقولي عليهم عيله بلا زميم .. وتتمستك ومهناك من يردها .. وكان جيتي
لامها وقولتيلي اتنوض ترفع وتفشخ واتقولك بنتي وبنتي .. ماهو اللي متعرفش
ترقص اتقولك الارض عوجه
-----------------
فتحية:
ماهو شوية من الحنة وشوية
من بياض الايد . تي هيا غير بنتها ماهو حتى هيا زي بنتها .. وراجلها يهز في راسه
سقط والله منيته ان شاء الله مبروكة : اي معش تحكي بالله وخليها في سرك .. وخلي
الطابق مستور .. غر بيني وبينك ولدها الكبير خناب خانب حوش فوزية بنت حسن لعور
( لا سترتي والله )فتحية :
خناب .. نهار احرش .. هو ومن
خنبوا الحوش .. ريتي بالله مبروكة : اه .. ماندريش اخويتي قالوا معاه زوز مذكرة
( علامة
خنس )فتحية :
معاه زوز .. نوضي درقي
وجهك .. بطلعي ولدي وولد كنتي خنابين .. نوضي وانتي من بكري تقرمي في عباد
ربي .. ومش شايف روحك انتي وراجلك
( الله ... خشت بعضها .. الله )راجلك اللي كل يوم مقابل النسون قدام ورشة سعيد .. ويتبصبص
ع اللي ماشي وع اللي راجعة وانتي كل يوم تلقي من حوش لحوش .. وحوشك
وصغارك رايحين تقولي سوق السعي الساعة واحد لما يتم ... كش وامسخ ومسردن
زيك يامعفنة ..مبروكة :: انا امسخة .. يخنابة .. تسحابيني مش عارف
عليك شي .. خانبه تاكم مسعودة نهار الخميس في عرس بنتها .. والا راجلك .. طرطور
التريس .. يهزوا فيه ويجيبوا .. ويطيبلهم في الشاهي . وذرك
واحد خناب وواحد ملعب يتلوعب بالبنات .. مصمصمي فمك قبل ماتتكلمي عليا .. تي
راجلك يبيع في النفه وانتي تكذبي على النسون واتقولليهم يخدم في شركة فنط
( قصدها نفط .. وخيرها النفة مش مورد طبيعي )
الرئيسية
مروري
