لانقاني قررت ... قصيده للشاعر حازم الصبيحي

أنقاني قررت ...... تحملت واجد نين ما أنفجرت

أنريد نبتعد لا أنقاني قررت

خذيت قرار ..... دابينا عندي اليوم خيار

ما أيهمني لو كل شي أنهار .... عانيت واجد كل شي أخسرت

أنكابر علي جروحي عشت في نار .... أنظني كما أيوب صبر صبرت

ما أيهم لو كانوا زها لنظار .... أوما أيهم لو قررت وأسرعــــــت

أوما أيهمني لو صار مهما صار .... عندي المهم في راحتي فكرت

عطيتك أنذار وأمعاه كم أنذار .... لا شفتني لا كلمتي عبرت

بنقول كلمة بس بأختصار .... واجد أمعاك أشقيت وأدمرت




خلاص نهيـــــــت ....... اللي بينا أوحتى القرار خذيــــــــت

أنت السبب كثرت وين قسيـــــت .... كل شي درتا فيك ما قدرت

أن كان عالوفا يعلم الله وفيــــت .... و أن كان عالغلا ما يوم نا قصرت

في ما مضا واجد أمعاك بكيـــــت .... حتا الزها في دنيتي حرمــــــت

حبيت لكن مالزعل مليــــــت .... القيت الخساير عرم وين حصرت

ما تنصدم لو قلت توه أنسيـــــت .... حاولت وين كثرن أخطاك أقدرت

ماعاد مطرح للصفاء خليـــــــــت .... أيامآ أنغامر فالغلا غامرت

توه ورايا كل شي رميـــــــت .... منك حواسي كلها حررت




قرار خذيتـــــه ....... اللي بينا رسمي خلاص نهيتــــــــه

ذل أو شقا للقلب كله القيتـــــه ..... عطيتك وفا وأنت غلاي نكرت

مالعقل ماضيك خلاص محيتــــه .... أكرهتك وصلت الحد ما أستحقرت

هضاك مات يللي فالغلا ذليتــــــه .... غلطة و مستحيل لو كررت

و توه الماضي بالعذاب أنسيتـــــه .... في دنيا جديدة هادية باشرت

أسكر أشتراكك أمعاي لغيتـــــه .... ما أتلومني في شي أنت أخترت




منقووووووووووووووووول لعيونكم

الاخت العزيزة زهرة الجوري الفواح شكرا جزيل

واحببت ان ارد على الابيات السابقة واقولك

اطلب تمنى ياربيع العمر.....ادلل عليا وزاد تامر امر
لكن عليا ما يوم تغيب ..... اغيابك عليا كيف لذع الجمر

تقبلي مروري ولك فائق التقدير

جميلة ورائعة مثلك أختي الحلوه زهرة الجوري شكرا لك