لحظة خوف للفنان الليبي الكبير (فرج بالحمد)

ان شاء الله تعجبكم

لحظة خوف
حسيت لحظة خوف ...حسيت خطواتى معاك غريبه ...
هاجس غريب ايطوف ...اوحى لنا بالريبه .. حسيت انك بعيد .. وانى وحيد وانك ضباب .. وانك صحارى من جليد
وانى ليد ايقودها السراب ..رافقت روحى ابروحى ..رحال نا واجروحى ..مسافات صمتى او بوحى ...سرك وداير غيبه
حسيت لحظة خوف ...حسيت خطواتى معاك غريبه
حسيت بخطاوى ترتعش ... حسيت بمواير جفا وافراق ... حسيت بالجرح انتعش ... واللى خفا كان تاق
حسيت من قبل الكلام ..كل الكلام ..صمت ومعانى واضحه .. حسيت حتى فالسلام .. برد وسلام .. دمعة وصبر امطارحا
وترحال ما فية اختيار ..لا الليل يسبق فالنهار ..لاصار النار تحرق نار .. ولاعمر فات تقدر اتجيبه
حسيت لحظة خوف ...حسيت خطواتى معاك غريبه
حسيت فى ميعادنا باحساسنا .. لاعاد دفا الاحساس .. حسيت قبل اعدادنا .. من ياسنا اساوى الغلا والياس
وحسيت ليل زمان ..صبحا صبح نسيان ..وذكرى ودمعه عاصيه .. وحسيت باللى كان .. موعد رحيله حان
مداين الغربه قاسيه .. وبعيد مرسى شوقنا واريافنا .. بعيد تما ارجوعنا يا اولافنا .. حتى عتاب اخلافنا
صمت غريب واحكايه غريبه
حسيت لحظة خوف ...حسيت خطواتى معاك غريبه
منقول

مشكورة خيتي وربي يعطيك العافية
وصح لسان الشاعر

قمة جمال الخيال الشعري والتشبيه البليغ

» مايجبرك ع الصبر-شاعر درنة فرج بالحمد
» بين العزيز وأنا / للشاعرفرج بالحمد
» خلن النوم لهله / الشاعر الكبير عبدالسلام بوجلاوي
» حاولت ننسى - شاعر درنة فرج بالحمد
» بين الزعل والشوق قصيدة للشاعر فرج بالحمد