من ليبيا يأتى الجديد - احداث اخرى

االسلام عليكم ورحمة الله

كثيراما نقول من باب الهزوه" من ليبيا ياتي الجديد" ولكن ما فاجاني هو ان هذا الكلام صحيح علميا 100% شوفو او اتقفو بالمعلومات هذي يلي جمعتها من مصادر اغلبها مش ليبيا اصلا . حاتخليك تعرف قيمه الكلمه هذي "ليبـــــــــــيا"

أكبر عدد من الاهداف ليبيا وعمان 21 -0
وانسحبوا العمانين احتجاجا على ركلة جزاء على اساس فرقت 21 موش 22
وعمك بن صويد أدخل 9 أهداف وما يديرها إلا ليبي ولو لعب الريقولي راهو أصبحوا 10 .. .. باهي .. ..
وأمسك عندك .. ..
أول دوري ممتاز في العالم يوصل عدد فرقه إلى 31 فريق
أول دوري درجة تانية يوصل فيه عدد الفرق إلى 47 فريق
أول لاعب عربي يسجل في فريقين فازوا بكاس العالم من هو؟
اكيد ليبي!
البرنس طارق التايب سجل على الارجنتين والارجواي فى مباريات وديه أقيمت فى ليبيا ...... ومازال البرازيل.. ..
حتى أعلى درجة حرارة في التاريخ عندنا في العزيزية 58 درجة مئوية في الظل
باهي .. .. امسك عندك ..
أول كاس افريقيا يشارك فيها محترفين في ليبيا
أول كاس افريقيا على العشب الصناعي في ليبيا
أول كاس يحسم بركلات الترجيح في ليبيا
أول فريق مايخسرش وماياخدش الكاس ليبيا
لا .. وشنو .. خشوا عالمحركات معاي ..
أول سباق فورملا يندار في دولة عربية كان في ليبيا للترفيه عن الجنود الطليان أيام الأستعمارالأيطالى

المهم .. شد عندك ..
أول نهر صناعي في ليبيا
أول من استعمل الطائرات في الحرب وادخل الدبابة للصحراء في ليبيا فى الحرب العالميه
وأول دولة أعتذر منها الإستعمار هي ليبيا
أطول شاطي في المتوسط في ليبيا
آخر مباراة في القرن العشرين والألفية الثانية في ليبيا
أول مباراة في القرن ال21 والألفية الثالثة في ليبيا
طبعا الفقرة ماقبل الاخيرة تخص الشوط الاول من مباراة ليبيا وغانا في دورة النهر في بنغازي واللي بعدها تخص الشوط التاني من نفس المبارة ..
باهي !!.. من أول لاعب سجل في الالفية الثالثة؟؟ .. أكيد ليبي .. جهاد المنتصر .. سجل بعد دقيقتين من دخول سنة 2000 - في رمضان
المهم أكيد طولت عليكم بس نقدر نكتب للصبح أصلا كل جديد وراه ليبي زي أول ثورة للعبيد دارها ليبي .. .. سبارتكوس
وأول شخص يدير الزقزاق ويهد على أوربا بالافيال ليبي وهو هانيبال وقام بمحاصرة روما .... شنو تبوا انعد ولا انعد !!!!
أول بلاد عربية يزورها بيليه وماردونا وباتيستوتا
التحنيط أول مره اكتشفوه في ليبيا قبل حضارة الفراعنه بألف سنه ..
هذا مش من عندي . هذا كلام ديسكوفري تشانل
أول من أخترع أو صنع الباستا أو المعكرونه أو السباجيتى أكيد كلكم تعتقدوا أنهم الطليان .......لا يا حبايبى انهم الليبيون ونقلها منهم الطليان حينما استعمروا ليبيا
والمفاجأه أنه فى أحد حلقات من يربح المليون سأل جورج قرداحى سيدة عربيه هذا السؤال وأعطاها ثلاثة اختيارات هى ايطاليا وليبيا وبلد أخر لا أذكره والمفاجأه ألأكبر أن السيده أختارت ليبيا والمفاجأة الأدهى أن الأجابه كانت صحححححححححح_
وعلى فكره فقد شاهدنا جداتنا وامهاتنا والى الآن يصنعوا المعكرونه فى البيت يعنى ( هوم ميد )........ (تسمي بالليبي رشده مبكبكه ....أو فى بنغازى رشدة برمه )
__________________________________________

وبعدين آثار أقدم كنيسه كاثولوكية في العالم موجودة في وادي مرقص بالجبل الاخضر .. كنيسة مرقص .. وسُواح ايطاليا وأقباط مصر يزورون ليبيا كل عام خصيصا لزيارتها
_______________________________________

وفي آخر مره انكسفت الشمس كان أفضل مكان في العالم للرؤيا الواضحه و المتكاملة كانت ليبيا
و بالذات في منطقه اسمها واو الناموس
أول سوبر ايطالي في افريقيا والدول العربية في ليبيا
أول مرة الارجنتين تلعب في افريقيا في ليبيا
أول مرة تلعب المكسيك في افريقيا في ليبيا
أول مرة تلعب كندا في افريقيا في ليبيا
أول فريق ينسحب من نهائي افريقي من ليبيا
وليبيا أول دولة تعلن الحرب على امريكا في بداية تأسيس الولايات المتحدة

أول رحلة الى مجاهل أفريقيا :
يروي هيرودوت، أن مجموعة من الشباب الليبيين هم أول من أقتحم مجاهل أفريقيا وقد سجل هيرودوت في كتابه رحلة الليبين منذ 2500 سنة الى أفريقيا المشاهدات التي شاهدوها أنذاك.

أول لحن يرتفع في دنيا الموسيقى :
يقول إيثناوس في كتابه (( مائدة الفلاسفة )) أن الناى المصنوع من شجرة اللوتس التي تنمو في ليبيا كان يطلق عليها الناي الليبي، وقد ذكر إيثناوس أن سيرتيس الليبي هو أول من اكتشف فن العزف على الناي.

الزي الليبى :
يذكر العالم (( سمث كاج بيركت )) في كتابه ((ممرات الحضارة )) الذى طبع عام 1965 ، أن اللباس الروماني منقول اي انه اخد عن اللباس اليوناني القديم . وأن اليونانيين نقلوا العباءة أو الجرد عن الليبيين القدماء ، أي الجرد الذى يلبسه الليبيون الأن عمره يناهز 2500 سنة .

النساء الليبيات:
ذكر هيرودوت في كتابه ، أن ثوب ودرع أثينا قد نقلهم الاغريق عن النساء الليبيات . وهذا الثوب الذي نقله اليونانيون عن الليبيات هو عبارة عن ثوب طويل يلف الجسم ويضم الكتفيين تتمنطق المرأة ببقيته وتلفه حول وسطها .

ليبيا والفلاسفة :
أختلف مؤرخون الفلسفة ، وقد ذكر يوجين في كتابه (( حياة مشاهير الفلاسفة )) . أن الفلسفة نشأت في الشرق وليس في اليونان ، وذكر أن أشهر الفلاسفة القدماء ليبيا يدعى (( أطلس )) وذكر (( ديوجين)) أن محاورات أفلاطون المشهورة كانت اقتباسا من ارستبوس القوريني اللليبي.

الليبيون القدماء والموضة :
يبدو أن شغف الليبين بالموضة قديم قدم التاريخ ، فقد ذكر هيرودوت أن قبيلة ليبية كان أهلها مميزين بقص شعرهم، فقد كانوا يطلقون شعورهم على شكل (عرف الديك) ، وذلك بحلق الرأس ، واطلاق الشعر على وسط الرأس . واخرون يربون شعورههم على الجانب الايمن من الرأس ويحلقون الذى على الجانب الأيسر .

الليبيون والعربات :
يقول هيرودوت . أن الاغريق تعلموا من الليبين جر العربات وهي طريقة يتقنها الليبيون ويقومون بربط أربعة خيول لتجر عربة واحدة ..
أول قائد دخل الي بريطانيا واحتلها ليبي (سيتيموس سيفيروس)في العهد الروماني طبعا...
اول ملك يحكم مصر وهو مش مصري وقلب علي الفراعنة ودخل العربة الي تجرها الخيول هو ليبي(شيشنق) ...
أول مكان يطلع منه الشعير ويمشي لاوروبا (طبعا الشعير اصله شمال افريقيا) من ليبيا..
المهم لو قعدت نحكي للصبح مش حتكمل القائمة .. .. وتذكروا دائما أنكم من بلد الأوائل
من ليبيا يأتى الجديد - احداث اخرى A19

من ليبيا يأتى الجديد - احداث اخرى 780714

ولن الفخر
ان نكون من ليبيا الحبيبة
لك كل التقدير

زهرة الربيع
شكرا لك وبارك الله فيك
سعيد بمشاركتك

نعم ولنا الفخر ان ننتمي الى هذا البلد الجميل بعطاءه ووفاء أبناء صدقا أخي الفاضل لقد اجدت وتميزت فبارك الله فيك

» من ليبيا يأتي الجديد
» طاغيةُ ليبيا بمجازره الدمويَّة، وتخاذلُ حكام المسلمين عن نُصرة ليبيا
» العام الجديد
» غناوى وشتاوى عن الجديد والقديم
» لكل من يحب ليبيا