حفنة حفنة
القلب ماينساك غير بدفنه
ديمة غلاك يزيد حفنة حفنة
ساعة خيرة
ساعة عرفتك ياجميل السيرة
مايوم خاطري ينساك
كاتب عليه ازالة
خرابة وموحش طايحات اقفاله
القلب بعد غيبتك كاتب عليه ازالة
الغلا مامات
تخطر علي حتى بلارنات
مازلت غالي والغلا مامات
تخطر ديمة
ولك في حنايا القلباسم وسيمة
ولوكان ماتخطر تكون ظليمة
ماتسمعو قول وسواس
ولا من يجيب الرذيلة
انتو قدركم فوق من الراس وفي عيني نشيله
بعادك داير جو قلق
النوم سرق
وجيج انكان تريد الحق
كل الغلا مابين حب وغيره
الا غلاك احترت في تفسيره
طيب نومك
انا هو اللي نسهر نشيل همومك
خلي السهر عنك وطيب نومك
مانك عادي
انت في روعتك فايت غزال الوادي
لوتندري يازين مانك عادي
يلي عليا تعزو
حتى لو تغيبو عام ماتهتزو
في خاطري ديمة
في مطراحه
كيف مادفن صدام سر سلاحه
غلاك ياعزيز الروح في مطراحه
غلاكم ماكيفه توصيف
نسايم صيف
تهب تقول الا تكييف
زيد ياعزيز اقهرني
وسع جروحي زيد ماتعبرني
خود غايتك
ماعندي معاكم روح
وحق من خلق ادم ونجا نوح
لوكان تعلمو
عندي مايبقاش سراب
غلا الاحباب
امفيت يغطوني بتراب
يعلم الله بشوقي
واني بلاكم ضايقات خلوقي
يلي غلاكم فات كل حدودي
يلي غلاكم حاجه
كيف النفس للروح انا محتاجه
لاتبعدو
اتقول ماهو ليا
يخاف عليك اكثر مايخاف عليا
عندي قلب اتقول ماهو ليا
غالي وعندك في الكنين معزة
مالقيت في قدرك كلام اندزة
ينشد ديما
من مطلع ضباب الصبح للتعتيمة
عليك خاطري نشاد ينشد ديما
روحي معاكم
وساعة بعد ساعة يزيد غلاكم
وماعمره يفكر خاطري ينساكم
لوكان الغلا بالكيلو
دونك تعال جيب ناس ايشيلو
ديييير حسبتك
ماتهملني
حتى لو ظروفك واعرة جاملني
انت عديل الروح ماتهملني
رسالتك وصلتني
هزت عروق القلب مارحمتني
من شوقها زادت اشواق عمتني
انت الرفيق الزين
يلي رفقته كيف النظر للعين
لانريد نفقده ولانسمع عليه الشين
رسمي رسمي
لوكان ياجميل الصوت تبقى قسمي
نركع نهار وليل رسمي رسمي
مانك عادي
يهدرز عليك العقل جاي وغادي
يلي سكنت القلب مانك عادي
لاتجافيهن
اشربلهن ريد بول باش اتجيهن
الانظار رايفن بالحيل لاتجافيهن
كل شي يقدم والقديم يبيد
الا قديم غلاك ديما غلاه يزيد
ياريت تستوعبها
دقيقة تمر بلاك يامصعبها
يابال غيبتك عني
لي قلب عندك ياعزيز خديته
لادرت فيه الخير لارديته
هم يجرحوا وانا نقول غوالي
مهما جرا منهم موسع بالي
زايدغلاكم لين فات الكيف
ماهو غلا يحيى
ولاهي اشواق رفيف
لو كان الغلا تكديس
اندير مادار يحيى مع لميس
وعليك نصبرو
مالك عليا ايمين
انت الداء والدواء والتهوين
هيا هيا
انسى جميع الناس واشقى بيا
مرايف عليك القلب
هيا هيا
ياريت المسافة بين العزيز وبيني
كيف المسافة بين رمشي وعيني
منقوووووووووووووووووووووول لعيونكم
الرئيسية
