دواها سلام ايديك

دواها سلام ايديك
عندي العين ماتنشد أمفيت عليك
تعال زورها
اتريد دناك واتريد قعده ياعزيز امعاك
اترد روح هامت في شذاه غلاك
مسحور ذايب من سحر في امياميك
انت امغير شاور لحظه انكون احذاك
بهمومك اتشاكيني ونا انشاكيك
تاخذ دوا مني وخوذ دواك
حنون ديمه هكذي نبيك
نا معيشتي في خطر لولاك
والفت تمت حياتي بيك
الله لايكتب امعاي خطاك
يافرح ليامي زهايا بيك
مره طل
وميعد امعانا بالك انديروا حل
خيالي شان من اغيابك انسل
وان قلت تعال ياغالي انجيك
اختارك الخاطر ونيس وهل
مازال في ريقي رفقتك هذيك
من طرواك والله مانمل
وكلامي سمح وين نحكي عليك
انت اللي امعاك مانقطع أمل
وعندي الكبد ملهوفه عليك
[center]

شكرا لك اخيتي الفاضله مرورك له الأثر الطيب في نفسي

حلوووووووووووووووه الفاخري ,,, ياريت اتعلمنى .... مشكور

شكرا لك أخيتي الفاضله أمل على متابعتك المستمره انت حاولي واحنا انصلحولك اذا كان فيه خطا شكرا لك