بداية الثورة في منطقة غدامس الحزينة الى يومنل هذا

[b][center] أهلا بكم أحبائي الأصدقاء اليوم حابة نوصل صرخات أهالي غدامس :أيام الثورة المصرية والتونسية نسمعوا بأن يوم 17فبراير تب تنوض ليبيا لاسقاط النظام الفاسد طبعا حني ماصدقناش لان القردافي مسكنا 42 سنة وفعلا يو 17/2/2011 ثارت ليبيا وبلأخص منطقة الشرق ليبيا ونشوفو في الجزيرة والقنوات الفضائية التانية الدم يسال في الشرق وألة القذافي تقتل في أبناء شعبنا والمرتزقة تهتك أعراض فتيات الليبيات المناضلات طبعا أهالي غدامس الأحرار حسو بالوطنية ,يوم 20 فبراير اجتمعوا الشباب ايدرو مظاهرة في الساحات وفعلا ناضو أهلي غدامس ويعيطوا بالروح والدم نفديك يابنغازي واستمر لمدة اسبوع وشوية ,بعدين أزلام النظام (اللي هما بعض الغدامسية زي حبيب يدر و عبد القادر شهاب و الطوارق زي عيسى تللي وطارق شوشان وهلبة منهم)قام عيسى واتانيين بجلب السلاح من المعسكرات وقامو بتوزيعها على الطوارق وبعض الغدامسيين بعدين طبعا خشوا فيها بالاعتقالات والضرب المبرح على شبابنا ورجالنا والسرقة ويخشو ا للحياش ويدوروا الشباب زي كيف ماقال فرد فرد زنقة زنقة ويفسدو في الارض وخشوا للمدينة القديمة التراثية وفسدوها وكسرو بعض الاثار وقامو بسد الطريق الرئيسي وماخفي كان أعظم طبعا مرو بينا ايامات مافيش لاضي لابنزين ومعروف غدامس ننطق صحراوية مشمسة في الصيف مافيش لامكيفات لامية مسقعة ولاحتى شي وطبعا كل ليلة ميخلوش الناس ترقد يرعبوا في النلس باطلاق الرصاص بكثافة في الهواء ويم من أيامات شهر رمضان قتلو راجل اسمه عيادي حومان خشوا لحؤشه وقامو بقتلة بدم بارد وولده جاتة رصاصة ف ايدة وطبعا المعتقلين أكثريتهم اللي شاديين مناصب زي مدير المستشفي مدير الزراعة وبعض الشباب اللي طلعو للمظاهرات وملاات في الحوش الواجد ياخدو اكثر من واحد زس الشهيد بهاء الثني وخوه الشهيد عبد اللطيف الثني طبعاقصه بهاء طويلة وعريضة لاكن اللب منها رفعوه هو وخوه بسام تهمتة عنده نقال ثريا وأصلا ماعنداش رفعوه في بوسليم من شهر 4 واستشهد من ضمن الناس اللي قام الكتائب بحرق جثثهم وهو متزوج وعنده بنت عمرها سنة وخوه بسام ارجع والحمد لله(معليش انسيت حاجة طبعا من كثرة القبضة الامنية المشددة قام شباب غدامس بالتسلل عبر الحدود للانخلاط في الجبهة الغربية )وأحد منهم استشهد في جبهة نالوت اسمه محمد باحمي وواحد ثاني استشهد في جبهة سرت وهلبة غدامسسيين استشهدوا لاكن مش من سكان غدامس وعلى العموم في نهاية شهر رمضان بعد تحرير طرابلس خشو ثولر غدامس لغدامس لتحريرها فقاموا بتحريرها من الازلام والقبض على عليهم وفجأه قام الطوارق بقيادة عيسى بسباس برفه كل مالديهم واتجهوا الى منطقة تسمى درج و منطقة جزائرية توجد في الحدود الليبية الجزائرية اسمها الدبداب طبعا استغربنا قولنا شن فيه قلنا بالك ايخافوا من الشي اللي داروه ,وفي يوفم 25/9 الساعة 5 ص نسمعو في صوت رصاص قولنا شن فيه وطلع أن الطوارق قامو بالهجوم على غدامس من ضمنهم قناصين من ضمن كتيبة خميس قامو بقتل 8 غدامسيين وجرح أكثر من 45 و3 منهم حالاتهم خطيرة توا 1منهم قعد برا ليبيل يعلج غادي وطبعا الثوار انتصروا عليهم رغم كثرة عددهم وكثرة سلاحهم والشهداء هم عبد اللطيف الثني خو بهاء الثني وخالد الاسود وخوة يوسف الاسود ومحمود الاسود وخالد حومان وجلال باحمي هادا جاء من أمريكا باش اححرر غدامس و الشهيد الولد الوحيد و8 أخوات اللي عرسه تأجل على خاطر الازمة محمد الحبيب هيبة محمد الاسود طبعا ثار الغدامسيين بعدم روجوع الطوارق الى غدامس بسبب الجرائم لاكن المجلس المحلي عمل مصالحة بيننا وبينهم فوافقنا لاكن بشروط فرجعو الى غدامس لاكن الاسف الى يومنا هذا لم نرى اي شروط تحققت فما زال الطوارق يههددون ولم يسلموا المطلوبين ومخديناش حقنامنهم ولا بأي كطريقة هاهم في الشوارع يأكلون ويشربون مثلنا مثلهم والمجلس قال يبو ايديرو صيانة لبعض المنازل اللتي احرقت بعد تحرير غدامس ولم يقل صيانة منازلنا اللت دمرت ونهبت قبل التحرير والله اننا لمحزونون السلام عليكم [img][/img]

هذا الموضوع يعاني منه جل اليبيين وهي فتره انقضت ولن تعود بأذن الله والخير قادم بأذن الله أزلام اللانظام السابق عاثوا في الأرض فساد دمروا وقتلوا وانتهكوا الحرمات حسبنا الله فيهم ونعم الوكيل وماحصل حصل فعلينا أن نلم الشمل وندع القانون يأخذ مجراه والا ستكون غابه القوي فيها يأكل الضعيف علينا أن ننسى أو نتناسا مامضي ونفكر في غد مشرق لبلادنا الحبيبه ونحكم لغة العقل ونحن نعلم أن المحاكم لم تفعل حتى الآن وعندما تفعل وتصبح بلادنا بلاد يحكمها القانون وليس منطق القوة والسلاح حينها سأخذ كل طالب حق حقه
شكرا لك أخيتي الفاضله وقلوبنا معكم ودعواتنا لكم بالأمن والأمان

شكرا لك اخوي على هذا الرد والله نورت الصفحة ونورت المنتدى والله خففت عليا الهم والحزن كله ونطلب منك طلب بسيط جدا لو كان عندك اختك أصغر منك ومحافظة على اسلامها اندير معاها صداقة حنونة وتبعتلي المعرف انتعها لو عندها سكايب وشكرا