يللي عليك انرايف .... للشاعر المبدع محمد بوسته

يللي عليك انرايف .... للشاعر المبدع محمد بوسته

--------------------------------------------------------------------------------
عليك نرايف ..
عليك من العشم خايف وماني خايف ..
ع العين تنعمى يا اللي

***********

يا اللي عليك يذرن ..
ودايد علي عقلي غراير عرن
امرور الكرام امقوفلات يمرن ..
أقسامك علينا ولقلوب رجايف
انظاري مع دربك سنين إنجرن ..نهايب بلا جدوى تركن جايف
افواهق غيابك في الكنين ايفرن ..
مزاريق ضربه من ايدين صدايف
والثاني وراء لول إتقول ايورن ..
أيام الغلا عدن شقا وحسايف

**********
يا اللي مشيت بغرة ..
إمعاي ما حسب عقلي نهار تضره
إلا غرضك باين علي الهجين معرة ..
وريحك تلاطش والبروق خطايف
أياما وهو فاضي وفارغ سره ..
إيطول في مراييض العفيف العايف
ويقولو السيل إن جا يخلف جره ..
ونا اعزاز من جرة غلاهم صايف

**********

يا اللي عليك إناير ..
ما حسبت ساعه في دناي تخاير
م اليوم لولي بانن علي أمواير ..
والسامع اسمع قبل لا يجيه الشايف
ولاني عليه نزيل ولاني داير ..
عيون المجدي بو نياب رهايف
ولو كسر ريشه في سوابق غاير ..
وين ما تخبط في خيوط لفايف
ولو قل فزعه في نهار خساير ..
وضحك المنايا والرجال حدايف
هذا شوق يا صاحب قديم وجاير ..
أنظاري بلا طاري عليك لهايف
عزيز وين ما تمن اقلال ثماير ..
للياس باعهن بيعة عبيد وصايف

يا اللي مشيت بغرة ..
إمعاي ما حسب عقلي نهار تضره
إلا غرضك باين علي الهجين معرة ..
وريحك تلاطش والبروق خطايف
أياما وهو فاضي وفارغ سره ..
إيطول في مراييض العفيف العايف
ويقولو السيل إن جا يخلف جره ..
ونا اعزاز من جرة غلاهم صايف
ينعلي طبت في الله ايسامحك أختيار في المستوى يسلم الناقل ويسلم لسان الشاعر بارك الله فيك

تسلم أيديك زهرة الجوري قصيدة رائعة جداً
تقبلي مروري

لكي مني أجمل تحية