مسلسل ما ينتهى ... غلاك يا عزيز غير تابعه

مساء الخير
شن جوكم إن شاء الله تمام
جبتلكم شوي رسائل قصيرة يارب تعجبكم
==========================
ويش ايحزا بقيتوا علينا زايدين معزه غلاكم سكن في القلب ويش ايحزه
=========================
أمرايفين حبينا عليك أنمسوا بريافنا ياريت غير أتحسوا
=========================
لاجفا لاسيه كل يوم ينشد يا نظيف النيه عليك خاطر
ي. =========================
جفا وانسينا رخا حبلنا وقت عليه اعبينا ...دار الخطا قصر جفا وانسينا
.=========================
وين ما الليل أيجيها تسيل فاقده غالي وعزيز عليها..العين باكيه .
=========================
مش بلعاني لكن الله غالب ظروف زماني خلتني عليك انغيب
==========================
جضيت ياقديم أمعاك........تكميدك علي قيس الوجع
==========================
صبح الغلا والشوق والحنيه علي باهيين الذوق علي طيبين النيه .
==========================
أنت حبيب الجلسه وضي المكان وشمسه والغالي أصله غالي والحلو يفرض نفسه
.==========================
ترفع رموش الشوق وتواطيها يسيل دمعها يخطر عزيز عليها العين رايفت
==========================
كيف حال البومه الخاطر بلاكم كاترات اهمومه صعيب حالته
==========================
شورك عدا وخلا الجته فوق صوف مخده سهاني العقل وطار شورك عدا
==========================
تجي مجتمعه اشواقي وغلاي وعبرتي والدمعة وين ماعلي اتهف
==========================
خلاص افهمها العين مالها خاطيك يا لايمها يصير الخطا لكن خلاص افهمها
==========================
تبا عليه اللعنه وقت من شبحت عزيز امنعنا
==========================
لو كان كل جية في الخيال حقيقه ماغبت عني ياعزيز دقيقه
==========================
تقاوي سمه تقول مدمن علي هيروين يبي شمه غلاك ياغالي تقاوي سمه
==========================
كان الغلا بالشحته انجي تحت روشنكم ونرقد تحته (شحات للغلا)
==========================
راني مريض وخاطري في حاله وطول ليلي دمعتي سياله كانك تحبني دزلي رساله
==========================
ياالعزير اعربلي ان كان الغلا مرفوع ليش الشقا ناصبلي (بالله قولي)
==========================
نمدح وماني وعاي اعزاز بغلاهم لاويين ادراعي لو كان يندرو
==========================
شينه مره شور الشقي والياس درنا جره الدنيا بلاالاحباب شينه مره
==========================
امرايف علي شبحت جميل البسمه اللي شوفته ياناس كيف النسمه
==========================
الخاطر ياكامل الأوصاف العالم طاف متيلك ف الدنيا ماشاف
==========================
حتى لوعني متباعد بين عيوني ديما قاعد
==========================
شيعت عيني فيه وطا عينه..اليوم صاحبي جرا الخطا وانسينا
==========================
حتى لو مانتلاقوش غلاك في قلبي منقوش ياما ناس عرفتهم لكن زيك ماجوش
==========================
انا والعين عليك حلفنا انعزك لين الدنيا تفنى
=========================
غلاك كيف الجمر احمر لونه لا ينطفي لاينشال من كانونه
=========================
مازال نطلب في غلاك ونسعى حتى بعد تمت الفين وتسعه
=========================
اصعب شعور اتحسه تغالي عزيز وفي الكنين ادسه ... وهو فايتك
=========================
أشحاته نشحت يا الاقدار رساله وحده يا مكار.
=========================
صوت الغلا في خاطري داعيلك بطول العمر والخير متمنيلك
=========================
كثر خيره لقيت حنون وخير لي من غيره .......أصاحبت نا والليل
=========================
اليوم شاكية ياعين قولي كنك ؟؟أنتي مرايفة والـــله أوهامك جنك
=========================
جرح ثاني .....أمغير يلتظم جرحك اللي جواني ،حلك نويت أتدير جرح ثاني
=========================
بنت تونسية قالت : العقل فيه برشا هموم مانجمش ياعزيز أنقولهن
ردت عليها الليبية وقالت : هابا ياماشايل عقلي غير وطيت عليه بثقلي
=========================
ميت موت عليك مرايف نبي نجيك ولكن خايف
========================
ابكاي على بو دور غزير ..اعيون الطير ..هجرني وزاهي بيه الغير..
========================
الصوت غاب قلنا خاط علينا لاكن الرسايل تغيب هادي عين حاسد وطقت فينا
========================
/من غيبة ريدي متفاجي ماني ناجي غير انلاجي مستعجل في الموت انراجي
========================
لانشد لاكلم خصله جديده في الغلا متعلم عزيز عليا ماعاد نشد لاكلم
========================
النشدة واجب والعين ما تحمل فراق الحاجب واللي ينساك يصبح قليل الواجب
========================
الخاطر على الاحباب معند كيف غلا نور ومهند
========================
على ذكراك نموت ونحيا كيف غلا لميس ويحيا
========================
وين أنشوفك يامهند دمي في عروقي يتجمد
========================
-تعالى شوف حبك كيف اناني؟وسط قلبي يقول للدم هذا مكاني
========================
ليه وقت إمجافينى وفاقد حسه .. والشوق فاضح ماقدرت إندسه .
=======================
عينى جار الليل عليها ساكنها طيف غواليها .. كيف يجيها النوم إيجيها .
======================
بالله ياناوى الرحيل إستنى .. هاك عقلى وخود بالك منه .
======================
حاولت نجحد فى الخفاء والدرقه .. نار الغلا ترقى ولهبها يرقى .
======================
تشبح زول خطر يداعى ياما صاير فيه .. تحلف مركب هالزقلاعه والريح مواتيه .
====================
ماجت إلا مربوحه .. عزيز الخطا عول عليه بروحه نا ما إنريد ماجت إلا مربوحه .
=====================
عودت عينى ما إتشوف لغيرك .. سيبتها صحيت كثر خيرك .\
=====================
ماشى على شهرين زود عليهن عشره .. الباين حبيب العين هانت عليه العشره .
=======================
منك جرح العين وداها .. داويها فى إديك دواها .
======================
العين تعبتنى كيف بنديرلها .. مشيت عكس وين القلب ماقللها .
========================
ماهى منى ايجيبنى عليك ارياف غصبن عنى .. تعود عليك القلب ماهى منى
=======================
على ازعاجك صمام قلبى يرتجف محتاجك على رنتى اسف على ازعاجك ..
=======================
طشه طشه .. لما تفتح مخازن خاطرى وتخشه تلقا غلاك يزيد .. طشه طشه
========================
بالك سدك ارخى على شوى مانى قدك واجد عليا اغليت بالك سدك
=======================
اصعب شعور اتحسه اتغالى عزيز وفى الكنين اتدسه وهو فايتك ..
=======================
هضا طبعى نسقى حبيبى من نقاوة نبعى .. أن كان تنشدوا عليا هضا طبعى
===========================
خلك جافى جفاك فادنى طفا لهيب اريافى ما عاد نبى شى خلك جافى
==========================
اني الى رابطنى بيه .. وين نبعد نقلق وإنجيه
========================
ماعليكم لوم الشوق شوقى ونا اللى ملزوم ننشد عليكم ما عليكم لوم
========================
طقه طقه "" اشبح غلاك اليوم تامم حقه و مزال ياما اتشوف !طقه طقه !
========================
ضربه بضربه = عايش حياتى بلاك هم و كربه و انت كلامك سم ضربه! بضربه
===================
ويش اخبارك ؟ ياللي عليك العين دوم اتعارك " تريد تنضرك لكن بعيده دارك !
======================
عندك علم؟ ايام الزها و الصوب تمن فلم تعال احظرا !!
========================
نص اهموم ...! ونص علايل ... مية طن الخاطر شايل
=======================
شاور شيره .... مرات نعدرك ونقول فيها خيره .. انكانك نويت الهجر .. شاور شيره
===================
من يقدرها ؟ لزت طيور غلاك يا موعرها بعد سكنتك فى القلب
==============
صوت وصوره هلى بعيد الدار مانا شوره ايجى فى منام الليل
===============
شــــــايل غلاك و طيفه .. .. لو كان جســـر الكوف شايل كيفه ... راه منحــــني!
======================
نبى السهر يانوم راك إتجينى .. مادام ماريت العزيز بعينى .
========================
.يانوم كيف الراي لاجيت ولاجبت العزيز احذاي
=======================
ما با يبرا .. جبناله طبيب وشيخ تما يقرأ مسحور عقلى بغلاكم .. ما با يبرا
=============================
ديما ديما .. لين البحر ينزح ايبان رديمه اترايف عليك العين .. ديما ديما
=======================
منهو كيفك ..؟ سواء صبح والا ليل يلفا طيفك غر قولى بـ الله ..؟ منهو كيفك
========================
مانك عادى .. يهدرز عليك العقل جاى وغادى يلى سكنت القلب .. مانك عادى
===================
حفنه حفنه .. القلب ماينساك غير بدفنه ديما غلاك ايزيد .. حفنه حفنه
=======================
صابر صابر .. انحوس حوسة المفطوم غير نكابر فى غيبتك عـ عين .. صابر صابر
=======================
ديمه ديمه .. على بعدكم مالى قرام عزيمة ان كان تنشدى مشتاق .. ديمه ديمه
======================
يريح روحه .. بخته عـ طيب وكابرات جروحه الى مايعرف قدرك .. يريح روحه
===================
ماهى طشة .. تملا جميع الكون لو نفرشها غلاك ومعزتك فى القلب .. ماهى طشة
========================
-كل الدواء جربنا . . مليون شيشه ياعزيز اشربنا ، ، ! نهار غيبتك. .
=============
ماعاد عندي صبر تميت نرجي في الكفن والقبر من ضيق خاطري.
==================
-نظيف اخدود كما برق يلمع في سحابه سوده غير انعته
==================
-مريض بالغلا ومازال فيكم عاشم دواي عندكم ماهوش عند الهاشم.
===================
ديرين يالنظارعزاكن دوم تباكن ماننهاكن ناوياكن عالولاف انسيل امعاكن..
=============
مانك هاين .. سوا غبت ولا عالنواظر باين قدرك كبير معاي
. ======================================
عينك منّه .. مايريد منك شي غير محنّه خليته امعاك القلب عينك منّه ..
======================
ياقلب عندي احباب ماتنساهم تصون ودهم وتحفظ عزيز غلاهم
=======================
لوكنت نعلم قبل قلبك قاسي ... لاشقيت بيك ولا وجعني راسي .
--------------------------------------------------------------
ميت موت عليك مرايف نبي انجيك ولكن خايف .
-------------------------------------------------
كثر خيره لقيت حنون وخير لي من غيره ...أصاحبت نا والليل .
--------------------------------------------------------------
اليوم شاكيه ياعين قولي كنك ...انتي مرايفه ولا اوهامك جنك .
---------------------------------------------------------------
مرايفين ياغالي عليك انمسوا ... بريافنا ياريت يوم اتحسوا .
------------------------------------------------------------
ياقبر بين اقبوره ... بترابك تغطا فيك سمح الصوره ... احسن اضيافته .

ابكاي ياعزيز عليك ... انكان دين ويش ايخلصه .
--------------------------------------------------
اتريد من النهار نصيب ... ابكا اليل ما عاد سادها .
---------------------------------------------------
العين من غلا مرهون اتذوح ما دباره لاقيه .
===========================
فـي شـارع الـمـدار زاد قهـرنـي ... وين ما خطم احداي مـا عبرنـي
======================
سبحان كيف رقدنا ... وجانا النوم وماتقول فقدنا ...اعزاز فارقوا .
=====================
صدفه انـدور فـي وراق قديمـه ... لقيت صورته خزرة عيون الريمه .
===========================
خلك قريب احدانا ... لاتنفعك مدار لا لبيانا ... بلا مواخده .
========================
يشبه نهار القبلى **صهد وعجاج وريح منهن مبلى نهار غيبتك يشبه **نهار القبلى
=============================
انعزو الرفق ونكابروا مقدارة *** يابال كيفك من اجواد عصارة
========================
وين ماالليل يظلم **اتجي صورتك وسط المنام اتسلم **يرتاح خاطري
=================================
قليل محنة ...لا مسج منك لا سمعنا رنة الباين عليك انسيت
=================================
حيلك حيلك **العقل و الروح و القلب ما نحكيلك ذايبات فيك كلهن **حيلك حيلك
==================================
بالذهب ما نابه بديل للغلا وقرش ما نكسابه غنى بيك حتى بالذهب ما نابه
===============================
من رايدها رقده اصحاب الكهف نا رقدها لو كان في المنام اتجو
=========================
فيك انراجي ولاني مع غيرك ايروق مزاجي محتاجلك من الشوق جيتك لاجي
===============================
تحسابوا محبتكم عادية وسط القلب مش شوية نمرض بلاكم والطب يوحل فيا
===============
اللي توالفه يصعب عليك فراقه وان غاب لحظة عن النظر تشتاقه
====================
الصاحب اللي مايجيك وقت الشده قولّت ايش حالك من بعيد اتسده
====================
غايب عن عيني من مده عزيز انوده لين الخاطر واصل حده .
=======================
مسلسل ما ينتهى ... غلاك يا عزيز غير تابعه
==================
-يا خفيف الدم تخطر علينا ننسو جميع الهم {يا باااال شوفتك}
=====================================
سبايب امراض العقل من جار ياعلم جاور قتل . جفوتك موعرها حتي البعيد سمعها وجاب خبرها....مقساه قلبك .
===================================
قالو معقوله تعطيه قلبك قالت روحي فداه قالو حرام تموت قالت ميت بلاه.
=========================================
يلي ماطلت دواهم كامي داهم بهدلني بالحيل غلاهم . سطار في قرار الجح وجع طبيب يبال شايله.
==========================
يلي جميل كلامك ما يوم ينسي خاطري عنوانك عليك ننشدو.
================================
وبعدين معاك لا رتاح عقلي لا قدر ينساك ويش اندير.
=============================
مليان يا عزيز عليك ...عتب ورياف غلا؟؟؟؟...
======================================
ان غليو بعدكم ناس يبقي خفيف ميزان خاطري؟؟؟؟؟؟
===========================
بالك كافي ....؟الياس والرجا وغيبتك وريافي واجد علي قسيت....
===============================
قطره قطره تحساب الغلا ساهل يجي با لفطره سقيتني مرار الصوب قطره قطره...
===========================
راضي وماني راضي غوالي جفاهم كيف حكم القاضي؟؟؟مجبور نقبلا.
================================
مالك علي يمين الداء والدواء والجرح والتهوين فيك كلهن...
============================
مره مره يدردر شراب العين ويطلع بره علي ناس فرقاهم عليا مره وايش العمل .
===========================
العقل والنوم والهنا ما مشا عزيز نين شالهن.....
==================================
ليش تجيني تخطر عليا اعزاز وتواعني غلطان يا منام الليل......
===========================
يلي احملت بلانا احنا عزمنا بلهون ما خلانا بلاك نحملوا.....
====================================
منك كافي هي كبد ذابت ما لجفا يا جافي ما عاد حيل منك كافي
======================
إن شاء الله يعجبوكم قولولي رايكم
سلام
[center]

أكيده كوكتيل رائع من روائع شعرائنا وأدبائنا وأي ليبي يستوعبه وايحس بيه شكرا لك ملاحظه بسيطه المنقول أكتب منقول خوي صبراتي حفاظا لحق الكاتب نورت وأبدعت ومزيدا من التألق شاب نشيط بارك الله فيك

عندك حق خوي فاخري بس اناحطيت الاقيونه منقول اعتقد انها تكفي وع راسي في الجديد نكتبها حبيبي انت

انا آسف جدا خوي صبراتي عدت عليا تحياتي لك مجرد تنبيه فأنت رائع وخلوق وردك بكل روح رياضية يثبت ذلك أكرر شكري واعتذاري

دهشتنا ياخويا صبراتى ههههههههه وبارك الله فيك

مشكور خوي صبراتي على الرسائل الجميلة
ربي يعطيك العافية