يوم فراقك ياغلينا......قدام الولدين بكينا
دارت دور على غاليها....عينى لين نزح متفيها
كان غيرى مانبكى كنى.....زول عزيز تباعد عنى
يوم فراقه درنا ليله....أبكانا جاب كبير العيله
يوم فراقه شينك ليله.....بكيت القاسى فى العيله
واجد يوم خطاه بكينا....حتى بونا مالام علينا
العين تبكى وتشكى لليل.....أتقول فراقه مستحيل
افراقه خلانى هكى.....وين أنشوف أعيونه نبكى
حتى الشيخ بكاء فى اذانه....وين سمع بفراق غلانا
عزيز فراقه مر وشين....ماحسيته الابعدين
ألى خانك ياعين أنسيه.......وأشقى بلى حبيته
عالخوان قعدت أنصرخ....دارونى كبار شورخ
حى على غلايا خانوا......حلافين براسى كانوا
طلع خاين وأكبر نساى...بعد عشره عامين معاى
خوانين الله يلعنهم......حتى كان أعروقى منهم
كرهنا حبك ياغدار......كريهة مسلم للكفار
خساره فيهم ذره حب...لى خانوا من غير سبب
نقعد ندعى طول حياتى....على نزلى دمعاتى
أنشالله ياخوان أحلامى...مرمى فى الشارع قدامى
للخون حياه متعوسه .....يكمل عمره فى الكروسه
أنشألله خوانك ياعين...على كروسه موعاقين
عزيز ألى خان الغيات....انشالله يمشى بالقيلات
ألى دار العهد وماوفه....انشالله حادث يوم الزفه
أنشالله مايزهاش معاها....هلى بذلينى بغلاها
أنشالله ياخوان علاقه....تطلع بكريتك موعاقه
خان الصوب وقال هجرته...انشالله يلقاها فى أخرته
أجعنك ياخوان أتعالج....بين الهوارى والخارج
أنشالله ياخوان الصوب....أنشوفك فى الشارع مكلوب
أنشالله ايجنى عزايات...يقولن هلى خانك مات
أنشالله نعزيها فى شايبها....أمك ألى قالت سيبها
غير تهنوا يانقاره.....الغالى منقطعات أخباره
جميع لى ساير ويسير...سببها الحساد وماغير
عينى حسادك مكثرهم....ديرى الشىء الى يقهرهم
ألى شال كلامى مقلوب....أجعنه كيف الملح أيذوب
الناس ألى حرمونى منه...ربى يحرمهم من الجنه
غلاهم صارعلى العناد....أنحبه مكره فى الحساد
خلانى راى الصحبات....حمامه من غير جناحات
نرفع راسى ماأنتواطه....مكره فى الناس اللخباطه
هلى خشوا بينى وبينه...أجعنهم على الفطران عجينه
هلى قال كلام ماقلته...أجعنه يلقاه فى أخرته
قولو للحساد خذيته....وتاج على راسه حطيته
عرب شارعنا حسادين...أيزيدوا على الكلمه عشرين
أبكى بالعبره ليش الصوت...عزيزه ميت فى غيرك موت
عندك حق أبكى ياروحى....جريتك لنار أبروحى
أنشالله ياعينى تنسيهم....هلى طال ابكاك عليهم
لاتبكى ياعين عليه....طلع صايع ربى يهديه
عندى قلب بكاء من جده...يذكر فى ماضى عدا
ليش الدمعه وليش الحيره...طلعت سوق انديروا غيره
يوم فراقه درنا حفله....هلى مايستاهل تفله
وين انقول أدموعى أنسدن.....يخطر غالين ينهدن
نبكى على الغالى دكنونى....لاكن شهدارات أعيونى
معاك ياغالى ريت عذاب وفى الاخر تطلع كذاب
كان سلحنى ياخذ سوى...نمشى للى يعرف جوى
هلى قال كليمه فينا.....مايسوى عفست كرعيا
خلاص كملت غرامى بيه....عدى ياكلبه خوضيه
ياما داير فى جرتنا....اليوم راخص خوذى فضلتنا
عزت نفسى ماتسمحلى....نمشيلك وأنت جارحنى
يوم خطمنا واطى عينه...يحساب على شانه جينه
ماواجعنى منا شىء....أمغير كلام الناس على
ياعينى اقطع راياتك....دمرتى مشوار حياتك
خساره شمت فيا الكل...طلع عيل ماهو راجل
حى عليا خذتنى نسوه....درت غلاى ألى مايسواه
انا فى عمرى درت خطيه....حبيت ألى ماهوليا
نكمت فى العبره بأنفاسى....خايف من تشميتت ناسى
نحسابك ياعين سكتى...تاريتك لليل أتوتى
ناس أعزاز أول سهيتهم....عزمونى ليله زفتهم
ندلع نحسابه ليا....دز كروته يعزم فيا
جيته مشتاقه وفرحانه....قالت أخته اليوم بيانه
ماواجعنى أمغير أحميده....سيبته ومازلت أنريده
أنعنك ياخوان العشره....كراسى سهريتك منتشره
صاحبتى ألى نشكر فيها....حى على طلع يبيها
امبارح خارب تيلفونه....تاريتا ناوى على الخونه
أنشالله نقعد سلفه لخوتك...يلى مهبلنى بسكوتك
لا كلمنى ولا كلمتى....لاكن بانظرات فهمته
حبيبى وأنحبه بجنون.....حبيبى يقرا فى القانون
حوشا معلمتا بعلامه....سياره حمره قدامه
عيونك سود وجذابات....أرحمنى وألبس نظارات
حى على كلتنى ناره....يلى شغلا فى تجاره
موش طويل وموش أقصير...طولى يالبنات ايحير
النجده النجده ياشباب....قريب ايزفونا الشياب
الرئيسية
