طق الباب حسبته ريدى ثاريتا شايب رقريقى

خطر فى بالى نسهرى ومانى عارف روحى نعسان ونخترف والا فيه شئ حسيت بيه متلخبط فى راسى وحست فيه وما عرفت هو ماشى مع دنيتى ودينى والا
خلطت عليا موازينى والحق الحق قلت نشاور وعلى حسب القول اللى شاورك خش لذمتك ... ياخوتى هذه سهراية فيها ناس مبسوطه وفرحانه وماهى عارفة ان انبساطها وفرحها يبكى ويدردر قلوب ناس ثانية .. يعنى كيف نظام الشماته ..ما يهمها فيك تبكى والا تزعل ... المهم يعيشوا وقتهم .. زى ما يقعد نظامهم اللى ما فيك ما تكيدك .. والا خاطا راسى وقص .. والا بو بلاش كثر منه .... يللا بلاش تطويل كلام ..ونطقوا الباب ونخشوا على الحكاية ... توا قاعدين نسمعوا
بالتحديث والتطوير والتقدم و تصحيح كل شئ قديم ( كلام جميل . كلام معقول .. ما اقدرش اقول .. حاجه عنو ) توا وانا حاط يدى تحت خدى سألت روحى قلت
زعما ( الشرف ) حتى هو يخش فى التحديث والتطوير يعنى يكون فيه حاجة اسمها شرف قديم وحاجة اسمها شرف جديد ؟
حسيت بروحى راسى داخ جبت براد شاهى وخذيت سبسى من باكو الدخان قدامى وقعدت نفكر فى هااللغز ؟ ونقول نقول يامن نقول ياما يفسر لى ها الحلامة؟
توا حكاية الشرف تلاقى فيها واحد مبسوط وهو اللى نقولوا عليه معتدى وتلاقى فيها المتنكد والمهموم اللى هو متعديين عليه .... هذى كيف يبى يكون شكل التحديث
فيها ؟ زعم يامنام الليل نديروا تحديث لروسنا ؟ هيا كل واحد يفكر فيها فى سره بس ويقول لروحه ايش الحل ؟ توا انت ياراجل يللى تنتفخ شدوقك ويتشتشت شعرك وينحمر وجهك ويطلعن شياطينك لما تشوف اختك والا مراتك وبعيد السو على امك دايره غلط مع واحد اخرى ؟ تقدر تحدث روحك وتقول فيه شرف قديم والا شرف جديد ؟ والا تقول ( قديم ما علينا فيه، ارفع يديك يا ياس ع الجدد. ) والا تقول ( من كثر يا عزيز غلاك، تظلم ندير روحي ظالمك.)
حسيت زى ما تكون الدنيا كابرة بره وتهدير وفزاعة والمربوعة امتلت ومحاظر فى الشرطة وطلاقات وفلان وين ياضنا !!!! والا ايش رايكم
باهى انت توا تهدر وتطلق ولميت عربك والقبيلة ومانك راضى !!!!! لو كنت انت اللى معتدى ايش رايك راضى ومبسوط ومفرفش ...!!!
يعنى كيف ما يصير شئ عندك من قصة العولمة والتقدم والانفتاح والتكنولوجيا والحضارة فى مفهوم الشرف
بلاش هذه بلكى قويه وما تصير مع كل واحد ولا تصير كل يوم والا كل اسبوع !!!!!!
ايش رايكم فى اللى تقريبا تصير كل يوم !!!! وبلكى !!! لا لا مش بلكى !!!! صايرة مع واجدين !!
الراجل اللى ينفخ ويشطح ويأمروتشوفه فى حوشه اسد والمرا فى الحوش باهى وحاضر ونعم ونتحدى راجل يمسك حوش اسبوع تكنيس وتنشيف وغسيل وطبخ وعيال وتنظيم وملاقاة ضيوف واستكراد راجل . لو تعرف هالراجل على وحده اخرى فى العمل والا الشارع والا فى اى مكان .. تشوفه يا محلاه ...هو الهدؤ وهو العقل وهو الفنان وهوالرومانسية وخوذ لك من الموصفات اللى ما تنتهى .. وما احلى السهارى مع اللى تعرف عليها ...باهى ... ايش تريد من اللى تعرفت عليها ...بالمقاييس الحديثة صداقة ..والا علاقة .. لأنها ماهى اختك الا فى الاسلام ..( ومانريدوا نشرحوا الشرع ) .باهى نكملوا .. نخلوها صداقة .... ليش ما تخلى صديقتك تكلم مراتك وتقول لها انا صديقة راجلك ؟؟ ههههه !!! واعرة عليك..!!! بلاش .. بلاش بلكى صديقتك باعتبارها مرا ماعندها الشجاعة انها تكلم ديرها انت وانت راجل وكلم بوها والا خوها وقول له انا صديق فلانة ...مش تؤمن بالصداقة وتقول انها بريئة وشريفة .. ان كنت صادق صح ديرها !! علشان نشوفوك فى المحكمة تطلق !!! والا فى المستشفى من عرب صديقتك بعد ما جردت مراتك علي هلها !!! والرجال محاظر مش مناظر .. طبعا هنا ما لقيوش برامج تحديث للشرف وفيروس الغيرة يضرب واحد من ثلاث ملفات ياهل البنت يأم عيالك ياالبنت اذا مش هن الثلاثة مع بعضهن
..
(( ..يا خوتى لقيت روحى دايخ ...والحكاية مازالت ما كملت .. بس طق الباب ....... نفتح ونرد عليكم .(( هناك الخبر اللى تلاقى روحك فى ميعاد

اولا حكايه طويله وبعدين نحن ليش انتعبوا في ارواحنا ونرهقوا في انفسنا مادام عارفين هالكلام لايسمح بيه لاشرع ولاعرف ولاقانون واللي مانرضاها في نفسي مانرضاها في غيري والعيب والجرام كل الناس عارفته لكن احيانا يبدى الواحد منا يحلل علي مزاجه ويحرم علي مزاجه والحياه مش كلها علاقات وكره والباب اللي يجيبلك الريح سده واستريح وبعدين عندنا ماسادنا من هموم ونحن ناس مسلمين والحمدلله على نعمة الأسلام لنا معتقداتنا وقناعاتا الخاصه مش ضروري نقلدوا غيرنا في كل شيئ ناخذوا منهم الأيجابي وانسيبوا السلبي ياخوي لما اتشوف تلقى الناس ضيعتها القنوات ودخلت علينا اشياء لاعلاقة لنا بها حرمت الحلال وحللت الحرام واختلط الحابل بالنابل بيئتنا جميلة بكل مافيها من عيوب نحن عندنا القدر والحشم وغيرنا من أول مايجتاز سن الرشد لايعرف بوه ولاأمه غيرنا يرتكب في الموبقات جهارا نهارا ونحن مازال عندنا عزة النفس والحشمه والعصر والخوف من الله قبل كل شيئ وكل ماأمرنا بيه في صالحنا ولما انخالفوه تركبنا الحالات النفسيه والياس والغم والهم والانحراف وانضيعوا جادة الصواب والعكس صحيح انت تخيل بس ترقد بدون ماتصلي صلاة العشاء وشوف ردة الفعل عندك تلقاك كاره نفسك وناقصك شيئ مهم جدا في حياتك وضايقه بيك الواسعه لما انحاسبوا انفسنا نلقوا ارواحنا غلطانين نا طولت عليك لكن في نهاية المطاف راحتنا وسعادتنا في القرب من الله والابتعاد عن مانهانا عنه تقبل تحياتي ووافر احتراماتي وبارك الله فيك

» اماسكه بين شايب وعجوز
» هل طرقت الباب ؟
» سكر الباب معك وإنت طالع